Wednesday, April 27, 2011

Ko Bilang Saja


Trausah ko sembunyi dibalik senyum kosong
bicara saja,........kase keluar semua yang ada dalam hati
kalo memang sudah bosan
melihat semua sikap dan za pu kelakuan
yang tra searah dengan ko

za tau selama ini kitong jalani sia-sia
za rasakan itu semua,..........
za harap ko berterus-terang
kalo bayang-bayang dirinya masih terus ada dan
masih terus membayangi
kemanapun dan dimanapun dirinya berada


za ingin kalo za, za saja, namun za juga mengerti
dia lebih dulu ko cintai sebelum za
dia lebih dulu hadir mengisi ko pu hati
za sadari tak mungkin secepat itu ko lupakan dia

kobilang saja.....
bila rasa itu masih ada
jangan ko simpan dalam hati
ungkapkan semua agar za pun tau
mungkin ko harus balik sama dia...........

by Phaul-Heger

Sunday, April 3, 2011

Za Tra Ingin

Sudah kitong jalani sekian lama
Sudah kitong bina hubungan ini
za dengan za pu cara
begitupula ko dengan ko pu cara

Cinta semakin mekar macam bunga yang tumbuh ditaman
apa yang za rasakan sama dengan ko
tertawa, menangis, sedih, duka buat kitong dua semakin dekat
hari-hari terus bersinar bersama cinta yang kitong jalin

za tra ingin semua ini musnah
za tra ingin perpisahan terjadi diantara kitong dua
za tra berharap hadirnya orang ketiga diantara kitong dua
karena za tau ko sayang za, dan za juga sayang ko